I Nordfjord kan ein finne draumejobben!

Dette er ein artikkel om sommarjobben til Joffen frå 2022.

Jon-Fredrik Hopland (30) frå Stryn har brukt sommaren sin hos Norva24 og fått jobba med nettopp det han har utdanna seg som.

Jon-Fredrik, også betre kjent som Joffen, held på å utdanne seg innan datateknikk, ei 3-årig ingeniørutdanning på UiT Norges Arktiske Universitet. Undervegs i utdanningsprosessen byrja han å søkje etter sommarjobb i heimtraktene. Medan han var på leit etter ein relevant sommarjobb vart han tipsa om å kontakte Nordfjordakademiet.

– Eg ringte Nordfjordakademiet og forklarte kva utdanning eg tok og kva type sommarjobbar eg var ute etter. Dagen etter fekk eg ein mail om at Norva24 var interesserte. Kort tid etter hadde eg nokre møter med dei, før sommarjobben var i boks. Og med sommarjobben i boks var det berre å glede seg til nye utfordringar og god erfaring.

Fann relevant jobb heime

Norva24 er størst i Norden på å levere tenester innan vatn og kloakk, med lidenskapen om å tømme der det er fullt, opne der det er tett og spyle der det er skittent. Ein skulle kanskje ikkje tru at dette var ein relevant jobb for ein med dataingeniørutdanning, men det er det så absolutt.

– Denne sommaren har eg hovudsakleg utvikla eit dataprogram som skal handtere alle ordrane til alle bedriftene under Norva24 i både Norge, Sverige og Danmark. Dette er ei løysing som skal gi dei tilsette i selskapet moglegheit til å vise, redigere, opprette og slette ordrar på ein veldig enkel og oversiktleg måte.

I tillegg har han også oppretta databasar for lagring av diverse informasjon og utvikla eit API, som er eit program som ligg på ein server som gjer det mogleg å lese, skrive, oppdatere og slette data frå ein database.

– App-utvikling er hovudsakleg delt opp i frontend (korleis appen ser ut og funksjonane til appen) og backend (programmering på server-sida, altså det brukarane ikkje ser). Så det at eg denne sommaren har fått erfaring i begge deler, er noko som absolutt er ein stor fordel for meg vidare.

Blei kasta ut i det

Sommaren på jobb har vore veldig utfordrande og lærerik.

– Fyrst og fremst måtte eg lære meg eit heilt nytt programmeringsspråk som eg aldri hadde programmert i før. I tillegg er det utruleg mykje informasjon og data å halde styr på, og det er mange ting ein må ta høgde for når ein utviklar applikasjonar på eit slikt profesjonelt nivå.

Joffen likar å halde seg på kanten av ferdigheitene sine, og set stor pris på alt han har fått erfare i løpet av sommaren. Han er tydeleg på at det er der ein må ligge for å verkeleg bli god i noko.

– Det gjeld uansett om ein skal bli god i å spele trommer, eller god i å programmere. Ein må «pushe» på litt og gå ut av komfortsona for å halde det spanande og bli skikkelig god. Det har eg fått gjort hjå Norva24.

Takknemleg erfaringsdeling

Joffen legg til at han ikkje hadde klart seg så bra som han gjorde om det ikkje hadde vore for dei dyktige kollegane hans.

– Heldigvis har eg hatt veldig flinke kollegaer som har gitt meg utruleg verdifull informasjon undervegs, svara på spørsmål når eg har lurt på ting, og gitt meg rom til å prøve og feile og utforske forskjellige måtar å gjere ting på. Eg vil spesielt gi ein shout-out til Roar Grønmo, som har vore mentoren min gjennom heile sommaren. Han har programmert sidan 1983 trur eg han fortalde meg ein gong, så han har lært meg utruleg mykje på veldig kort tid. Tusen takk!

Kombinasjonen av arbeidsoppgåver er det aller mest spennande i Oliver Grimseth Nes sin sommarjobb.

Dette er ein artikkel om sommarjobben til Oliver i 2022.

Kva gjer du i sommar?

I sommar jobbar eg hos BKK, både på kontor og ute i linjene som energimontør. På kontor jobbar eg i ei stilling som Geonis-operatør, systemet BKK brukar til å administrere alle komponentar for straumnettet i kart. I systemet teiknar eg linjene, komponentane og kabelnettet for å gjere det meir oversiktleg. Resultatet er at energimontørar og andre enkelt kan sjå kvar kablar, nettstasjonar, stolpar og så vidare er plassert – noko som gjer feilretting og anna arbeid meir effektivt. 

Den andre delen av sommarjobben, som energimontør, går ut på å drifte, vedlikehalde og bygge luftlinje og kabelnett. Dette inkluderer fleire forskjellege arbeidsoppgåver, som for eksempel å erstatte eldre luftlinjer med nye og meir moderne master og linjer.

Kva er det mest spennande med jobben?

Eg har frå før fagbrev som energimontør og studerer no bachelor som elektroingeniør. Forrige sommar jobba eg som energimontør, men i år fekk eg tilbod om å jobbe med dette i tillegg, noko som gir meir studierelevant erfaring. Det er moro å bruke fleire erfaringar i sommarjobben, og kombinasjonen av arbeidsoppgåver er nok det aller mest spennande.

Korleis er jobben relevant for utdanninga di?

Fordelen med å jobbe både i felt og på kontor er at eg får vedlikehalde dei praktiske ferdigheitene frå fagbrevet, i tillegg til å prøve meg på oppgåver som ventar etter utdanning. Kombinasjonen med fagbrev og vidare utdanning ser eg på som ein fordel. Det gir ei god forståing for korleis ting heng saman, som eg også håpar arbeidsgjevarar set pris på.

Kva håpar du at du vil lære i løpet av arbeidsperioden?

Kraftproduksjon og faget er svært spennande. Eg håpar å sitte igjen med fleire erfaringar og meir kunnskap. Forhåpentlegvis vil eg kunne bruke det eg lærer på skulen i jobb og vice versa.

BKK er ei spennande bedrift som gir relevant arbeidserfaring. Som student har eg fått auka forståing for faget, og når eg seinare skal ut og søke fulltidsjobb håpar eg at erfaringane gjer meg til ein sterkare kandidat.

Stine Rotseth hadde aldri sett for seg å bruke sommaren som budeie i Aurland.

Dette er ein artikkel frå 2022 om sommarjobben til Stine.

Kva går jobben ut på?

Som budeie på Leim får jeg være med på produksjon av ost og andre meieriprodukter fra start til ferdig produkt. På Skjærdalen stølsysteri, kanskje en av Norges mest idylliske arbeidsplasser, yster vi slik de gjorde i gamledager, noe som gjør jobben mer fysisk krevende, men også mye mer spennende.

Vi melker geitene, samler melken og behandler den slik at vi får laget diverse hvite oster, brun mysost og ferskoster. På stølen er det geitene som bestemmer døgnrytmen, så dagene starter tidlig og slutter sent. Stølsysteriet har også blitt kafé og en turistattraksjon, og vi får derfor også drive kafé mellom melking og ysting.

Kva er det mest spennande med jobben?

Å jobbe som budeie er en stor kontrast til det vanlige livet mitt i Bergen, men det er det som gjør det så gøy! Å jobbe med dyr, og å lære om ysting og gårdsdrift, er en flukt fra hverdagen, og noe jeg aldri ville vært foruten. Utenom det jobbrelaterte er det utrolig koselig å bli kjent med nye mennesker, og å få tilbringe sommeren i idylliske Aurland.

Får du brukt utdanninga di, eller interessene dine, i jobben?

Å jobbe med geiter og å lage ost er ikke så tett knyttet til mine 13 år på skolebenken, men som svømmer har jeg lært god disiplin og fått stor ståpå-vilje, noe som har gjort de tidlige morningene og sene kveldene lettere. I tillegg har jeg alltid vært glad i dyr og fysisk arbeid, noe som absolutt står i arbeidskontrakten.

Kva håpar du å lære i sommar?

I år er det andre året jeg jobber på Leim, og som ferdig utlært budeie håper jeg at ting går enda mer på skinner, og at jeg ikke brenner like mange brunoster (jeg skal prøve så godt jeg kan Anne Karin). Mest av alt gleder jeg meg til å komme tilbake til stedet jeg ser for meg å tilbringe utallige somre fremover.

Fra jobben får jeg erfaringer med en rekke typer gårdsarbeid, høying og hesjing, like mye som dyrestell. I tillegg får jeg erfaring med å drive kafé, noe som har hjulpet meg like mye i arbeidslivet som i hverdagen.

Kvifor takka du ja til akkurat denne jobben?

Det begynte med at jeg som oppgitt 17-åring ikke fant meg sommerjobb, og en engasjert lærer som tilfeldigvis visste om en jobb han trodde jeg ville like. Budeie var ikke det jeg hadde sett for meg, men som et siste forsøk ringte jeg til stølsysteriet, og et par telefonsamtaler senere skulle jeg tilbringe fire uker av min sommerferie i en liten dal ytterst i Aurland. Jeg kan med hånden på hjertet si at jeg aldri ville vært foruten alt jeg har lært og opplevd hos Skjærdal Stølsysteri.